"Қарттарын ардақтаған - қазыналы ел" тақырыбында мерекелік іс-шара

Алматы қаласы, Алатау ауданына қарасты №148 бөбекжай-балабақшасында 1 қазан - Халықаралық қарттар күніне орай тағылымы мол, мазмұнды мерекелік іс-шара ұйымдастырылды. Бұл шараның басты мақсаты - жас бүлдіршіндердің бойына үлкенге құрмет, кішіге ізет көрсету сияқты ізгі қасиеттерді сіңіру, ата-әжелердің қоғамдағы орнын дәріптеу болды.
Мерекелік кешке балабақша тәрбиеленушілерінің ата-әжелерімен қатар, өмірін білім мен тәрбиенің қасиетті жолына арнаған ардагер ұстаздар да арнайы шақырылды. Құрметті қонақтар кештің қадірлі төрінде отырды. Бүлдіршіндер өздерінің тәтті қылықтары мен өнерлерін ортаға салып, ата-әжелеріне әннен шашу шашты, жүрекжарды тақпақтарын оқыды. Қос қадам жасап, мың бұрала билеген кішкентайлардың өнері жиналғандардың ыстық ықыласына бөленді. Әрбір қойылымнан үлкенге деген махаббат пен шексіз құрметтің лебі сезілді.